തിരുവനന്തപുരം: കൊവിഡ് പശ്ചാത്തലത്തില്‍ ഓഫിസുകളിലെ തിരക്ക് ഒഴിവാക്കാന്‍ കെ.എസ്.ഇ.ബിയുടെ വെര്‍ച്വല്‍ ക്യൂ സംവിധാനമായ ഇ സമയം ഒരുങ്ങി. ഇതനുസരിച്ച് ഓഫിസ് സന്ദര്‍ശനത്തിനുള്ള ടോക്കണ്‍ ലമൊമ്യമാ.സലെയ.ശി എന്ന വെബ്‌സൈറ്റിലൂടെ ബുക്ക് ചെയ്യണം. സൈറ്റില്‍ ഫോണ്‍ നമ്പര്‍ നല്‍കിയാല്‍ ഒറ്റത്തവണ പാസ്‌വേഡ് ലഭിക്കും. ഇത് ഉപയോഗിച്ച് ലോഗിന്‍ ചെയ്ത് പേരും മറ്റ് വിവരങ്ങളും നല്‍കാം. തുടര്‍ന്ന് സന്ദര്‍ശിക്കേണ്ട ഓഫിസിന്റെ പേരും ഉദ്യോഗസ്ഥന്റെ പേരും സമയവും സന്ദര്‍ശനോദ്ദേശ്യവും തെരഞ്ഞെടുക്കണം. വൈകാതെ ടോക്കണ്‍ നമ്പരും സമയവും എസ്.എം.എസ് ആയി ലഭിക്കും.

പരീക്ഷണാടിസ്ഥാനത്തില്‍ ആദ്യം തിരുവനന്തപുരം ജില്ലയിലെ വെള്ളയമ്പലം, കേശവദാസപുരം എന്നീ രണ്ട് സെക്ഷന്‍ ഓഫിസുകളിലേക്കാണ് ഓണ്‍ലൈന്‍ ടോക്കണ്‍ സംവിധാനം നിലവില്‍ വന്നിരിക്കുന്നത്. വൈകാതെ ഈ സൗകര്യം എല്ലാ കെ.എസ്.ഇ.ബി. ഓഫിസുകളിലും ലഭ്യമാക്കും.