തിരൂരങ്ങാടി: അപകടത്തെത്തുടര്‍ന്ന് ദേശീയപാതയ്ക്കരികില്‍ നിര്‍ത്തിയിട്ടിരുന്ന കാര്‍ കത്തിയ സംഭവത്തില്‍ തിരൂരങ്ങാടി പൊലിസ് അന്വേഷണം ആരംഭിച്ചു. വെന്നിയൂരിനും കാച്ചടിക്കുമിടയില്‍ കൊടിമരത്താണ് വ്യാഴാഴ്ച പുലര്‍ച്ചെ കാര്‍ കത്തിയ നിലയില്‍ കണ്ടെത്തിയത്. ദിവസങ്ങള്‍ക്കു മുന്‍പ് കാറും ബൈക്കും കൂട്ടിയിടിച്ചു യുവാവിന് പരുക്കേറ്റിരുന്നു. അപകടത്തെത്തുടര്‍ന്ന് റോഡരികില്‍ നിര്‍ത്തിയിട്ടതായിരുന്നു കാര്‍. ഫോറന്‍സിക് വിഭാഗം സ്ഥലത്തെത്തി കാര്‍ പരിശോധിച്ചു.