ഷിംല: മുന്‍ സി.ബി.ഐ ഡയരക്ടറും നാഗാലാന്‍ഡ് മുന്‍ ഗവര്‍ണറുമായിരുന്ന അശ്വനി കുമാറിനെ മരിച്ച നിലയില്‍ കണ്ടെത്തി. ഹിമാചല്‍ പ്രദേശിലെ ഷിംലയിലെ സ്വന്തം വസതിയിലാണ് വൈകിട്ടോടെ അദ്ദേഹത്തെ മരിച്ച നിലയില്‍ കണ്ടെത്തിയത്. ആത്മഹത്യയാണെന്ന് അധികൃതര്‍ വ്യക്തമാക്കി.

ഷിംലയിലെ ബ്രോക്ക്‌ഹോസ്റ്റിലെ വസതിയില്‍ തൂങ്ങിമരിച്ച നിലയിലാണ് അദ്ദേഹത്തെ കണ്ടെത്തിയത്. 69 വയസായിരുന്നു. 2006 മുതല്‍ 2008 വരെ ഹിമാചല്‍ ഡി.ജി.പിയായിരുന്ന അശ്വനി കുമാര്‍, 2008 ഓഗസ്റ്റ് മുതല്‍ 2010 നവംബര്‍ വരെ സി.ബി.ഐ ഡയരക്ടറായിരുന്നു. 2013 ജൂലൈ 29നാണ് നാഗാലാന്‍ഡ് ഗവര്‍ണറായത്. 2014 ജൂണ്‍ 27വരെ ഗവര്‍ണറായിരുന്നു. ഇതിനു മുന്‍പ് കുറഞ്ഞ കാലം മണിപ്പൂരിലും ഗവര്‍ണറായിരുന്നു.