തിരുവനന്തപുരം: പ്രളയ പശ്ചാത്തലത്തില്‍ ആഘോഷ പരിപാടികള്‍ നടത്തേണ്ടെന്ന സര്‍ക്കാര്‍ തീരുമാനം പുനപരിശോധിക്കണമെന്ന് ലൈറ്റ് ആന്‍ഡ് സൗണ്ട് വെല്‍ഫെയര്‍ അസോസിയേഷന്‍ ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു. സ്റ്റേജ് പരിപാടികള്‍ നടത്തുന്നതിന് സര്‍ക്കാര്‍ തടസം നില്‍ക്കരുത്. ഇത് ലൈറ്റ് ആന്‍ഡ് സൗണ്ടില്‍ പ്രവര്‍ത്തിക്കുന്നവരുടെ ഉപജീവനമാര്‍ഗമാണ്. പലരും ബാങ്ക് വായ്പയെടുത്താണ് സ്ഥാപനങ്ങള്‍ നടത്തുന്നത്. അതിനാല്‍ ആരാധനാലയങ്ങളും സാംസ്‌കാരിക സംഘടനകളും ആഘോഷങ്ങള്‍ നടത്താന്‍ സര്‍ക്കാര്‍ അനുവദിക്കണമെന്നും അവര്‍ പറഞ്ഞു.