കുമ്പള: കൂട്ടുകാര്‍ക്കൊപ്പം കളിക്കുന്നതിനിടെ വെള്ളക്കെട്ടില്‍ വീണ് മുങ്ങിത്താഴുകയായിരുന്ന എട്ടുവയസുകാരിയെ വഴിയാത്രക്കാരന്‍ രക്ഷപ്പെടുത്തി. കുട്ടിയെ മംഗളൂരു ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം വൈകുന്നേരമാണ് സംഭവം. നായ്ക്കാപ്പിലെ ബഷീറിന്റെ മകള്‍ നാസിയയാണ് കൂട്ടുകാര്‍ക്കൊപ്പം കളിക്കുന്നതിനിടെ വെള്ളക്കെട്ടില്‍ വീണത്.
ഇതുവഴി നടന്നുവരികയായിരുന്നയാളാണ് കുട്ടിയെ രക്ഷപ്പെടുത്തിയത്. കുട്ടികള്‍ ബഹളം വെച്ചതിനെ തുടര്‍ന്നാണ് കുട്ടി വെള്ളത്തില്‍ വീണ വിവരം വഴിയാത്രക്കാരന്‍ അറിഞ്ഞത്.