ഭരണങ്ങാനം: ദേശിയ കായിക താരങ്ങളായ അന്യാ ജെറ്റോയും അജിനി അശോകനും എസ്.എസ്.എല്‍.സി പരീക്ഷയില്‍ ഒന്‍പത് എ പ്ലസും ഒരു എ യും നേടി മികച്ച വിജയം കരസ്ഥമാക്കി. എസ്.എച്ച്.ജി.എച്ച്.എസ്. സ്‌പോര്‍ട്‌സ് ഹോസ്റ്റലിലെ വിദ്യാര്‍ഥികളാണിവര്‍.
കഴിഞ്ഞ വര്‍ഷം വിശാഖപട്ടണത്തുവെച്ച് നടന്ന ദേശീയ ജൂനിയര്‍ മീറ്റില്‍ അന്യ ജെറ്റോ 100 മീറ്ററില്‍ വെള്ളിയും ദേശീയ സ്‌കൂള്‍ കായിക മേളയില്‍ ലോങ് ജംപില്‍ വെള്ളിയും നേടിയിരുന്നു. സംസ്ഥാന സ്‌ക്കൂള്‍ കായികമേള, സംസ്ഥാന ജൂനിയര്‍ മീറ്റ് എന്നിവയില്‍ 100 മീറ്റര്‍, ലോങ് ജംപ് എന്നിവയിലും അന്യ വെളളി നേടി.
അജിനി അശോകന്‍ ദേശിയ സ്‌കൂള്‍ മീറ്റില്‍ 100 മീറ്റര്‍ ഹര്‍ഡില്‍സില്‍ വെങ്കലവും സ്‌കൂള്‍ സ്റ്റേറ്റ് മീറ്റിലും ജൂനിയര്‍ സ്റ്റേറ്റ് മീറ്റിലും ഇന്റര്‍ ക്ലബ് സ്റ്റേറ്റ് മൂറ്റിലും 100 മീറ്റര്‍  ഹര്‍ഡില്‍സില്‍ സ്വര്‍ണ്ണം നേടിയിരുന്നു.
കഴിഞ്ഞ നാല് വര്‍ഷമായി കേരളാ സ്റ്റേറ്റ് സ്‌പോഴ്‌സ് കൗണ്‍സിലിന്റെ കീഴില്‍ പ്രവര്‍ത്തിക്കുന്ന ഈരണങ്ങാനം എസ്.എച്ച്.ജി.എച്ച്.എസ്. സ്‌പോര്‍ട്‌സ് ഹോസ്റ്റല്‍ പരിശീലകന്‍ ജൂലിയസ് ജെ മനയാനിയുടെ കീഴിലാണ് ഇവര്‍ പരിശീലനം നടത്തുന്നത്.
ഈരാറ്റുപേട്ട ഇടമറുക് പടിഞ്ഞാറേപീടികയില്‍ ജെറ്റോയുടെയും ജിനിയുടെയും മകളാണ് അനന്യ. എറണാകുളം പാമാട്ടുതുണ്ടിയില്‍ അശോകന്റെയും ഷിനിയുടെയും മകളാണ് അജിനി.