മനാമ: പ്രശ്‌നങ്ങളും പ്രതിസന്ധികളും വിശ്വാസികള്‍ എല്ലാ കാലത്തും നേരിട്ടിട്ടുണ്ടെന്നും അതിനെ ഊര്‍ജമാക്കുകയാണ് വേണ്ടതെന്നും സമസ്ത കേന്ദ്ര മുശാവറാംഗം മാണിയൂര്‍ അഹ്മദ് മുസ്‌ലിയാര്‍. സമസ്ത ബഹ്‌റൈന്‍ മനാമയില്‍ സംഘടിപ്പിച്ച പ്രാര്‍ഥനാ സദസില്‍ ഉദ്‌ബോധന പ്രഭാഷണം നടത്തുകയായിരുന്നു അദ്ദേഹം.

നമ്മുടെ രാജ്യത്ത് കഴിഞ്ഞ തെരഞ്ഞെടുപ്പിനെ കുറിച്ച് ചിലര്‍ ആശങ്ക പ്രകടിപ്പിക്കുന്നുണ്ട്. എന്നാല്‍ ഇന്ത്യ ജനാധിപത്യ രാജ്യമായിരിക്കുന്നിടത്തോളം നാം ആശങ്കപ്പെടേണ്ടതില്ലെന്നും അദ്ദേഹം കൂട്ടിച്ചേര്‍ത്തു. സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ ഉദ്ഘാടനം ചെയ്തു. സുപ്രഭാതം സി.ഇ.ഒ മുസ്തഫ മാസ്റ്റര്‍ മുണ്ടുപാറ സംസാരിച്ചു. മാണിയൂര്‍ അബ്ദുല്ല ഫൈസി, എസ്.എം അബ്ദുല്‍ വാഹിദ്, അശ്‌റഫ് കാട്ടില്‍ പീടിക, ശഹീര്‍ കാട്ടാമ്പള്ളി സംബന്ധിച്ചു.