കൊച്ചി: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കര്‍ എന്‍ഫോഴ്‌സ്‌മെന്റ് ഡയരക്ടറേറ്റിന്റെ ചോദ്യംചെയ്യലിന് ഇന്നലെ ഹാജരായില്ല. ഇന്നലെ രാവിലെ 11 മണിക്ക് എന്‍ഫോഴ്‌സ്‌മെന്റ് ഡയരക്ടറേറ്റിന്റെ കൊച്ചിയിലെ ഓഫിസില്‍ ഹാജരാകാനായിരുന്നു കഴിഞ്ഞയാഴ്ച നോട്ടിസ് നല്‍കിയത്. കസ്റ്റംസിന്റെ  ചോദ്യം ചെയ്യലിന് ഇക്കഴിഞ്ഞ ചൊവ്വാഴ്ച ഹാജരാകണമെന്ന് നിര്‍ദേശം ലഭിച്ചതിനെതുടര്‍ന്നാണ് എന്‍ഫോഴ്‌സ്‌മെന്റിന്റെ ചോദ്യം ചെയ്യല്‍ ഇന്നലത്തേക്ക് മാറ്റിയത്. വിദേശയാത്ര നടത്തിയതിന്റെ രേഖകളുള്‍പ്പെടെ ഹാജരാക്കാനും നിര്‍ദേശിച്ചിരുന്നു.

എന്നാല്‍ രാവിലെ തന്നെ ഹൈക്കോടതിയില്‍ ശിവശങ്കര്‍ മുന്‍കൂര്‍ ജാമ്യാപേക്ഷ സമര്‍പ്പിക്കുകയാണുണ്ടായത്. ഇതിനു ശേഷം ചോദ്യം ചെയ്യലിന് താന്‍ ഹാജരാകില്ലെന്ന് എന്‍ഫോഴ്‌സ്‌മെന്റിനെ അറിയിക്കുകയായിരുന്നു. 19നു ശേഷം ഹാജരാകാമെന്ന് അറിയിച്ചിട്ടുമുണ്ട്.