കോഴിക്കോട്: ശൈലി മാറ്റില്ലെന്ന മുഖ്യമന്ത്രി പിണറായി വിജയന്റെ പ്രസ്താവനയെ പരിഹസിച്ച് നടന്‍ ജോയ് മാത്യു. ശൈലി മാറ്റുകയല്ല വേണ്ടത് പിണറായിയെ മാറ്റി പകരം ശൈലജ ടീച്ചറെ മുഖ്യമ്രന്തിയാക്കുകയാണ് വേണ്ടതെന്നാണ് ജോയ് മാത്യു ഫേസ്ബുക്കില്‍ കുറിച്ചിരിക്കുന്നത്.
'ശൈലി മാറ്റേണ്ട, ശൈലജ ടീച്ചറെയാണ് മാറ്റേണ്ടത്, ആരോഗ്യ വകുപ്പില്‍ നിന്നും മുഖ്യമന്ത്രി കസേരയിലേക്ക്. നല്ല മാറ്റമുണ്ടാകും' എന്നാണ് പോസ്റ്റ്.
ലോക്‌സഭാ തെരഞ്ഞെടുപ്പ് പരാജയവുമായി ബന്ധപ്പെട്ട് മാധ്യമ പ്രവര്‍ത്തകര്‍ നിലവിലുള്ള ശൈലി മാറ്റുമോയെന്ന് മുഖ്യമന്ത്രിയോട് ചോദിച്ചപ്പോള്‍ തന്റെ ശൈലി തന്റേതായി തന്നെ തുടരുമെന്ന് പിണറായി പറഞ്ഞതിനെയാണ് ഫേസ്ബുക്കിലുടെ ജോയി മാത്യു പരിഹസിച്ചത്. ആരോഗ്യ മന്ത്രി ശൈലജ വകുപ്പില്‍ നടപ്പാക്കുന്ന പ്രവര്‍ത്തനങ്ങളുടെ അടിസ്ഥാനത്തിലാണ് അവരെ മുഖ്യമന്ത്രിയാക്കണമെന്നും അദ്ദേഹം ആവശ്യപ്പെട്ടിരിക്കുന്നത്.