കുമരനെല്ലൂര്‍: ഡി.വൈ.എഫ്.ഐയുടെ നേതൃത്വത്തില്‍ നടക്കുന്ന സംസ്ഥാന നീതിയാത്രക്ക് ജില്ലാ അതിര്‍ത്തിയായ കുമരനെല്ലൂരില്‍ സി.പി.എം ജില്ലാ കമ്മിറ്റിഅംഗം വി.കെ ചന്ദ്രന്‍, ഡി.വൈ.എഫ്.ഐ ജില്ലാ സെക്രട്ടറി കെ പ്രേംകുമാര്‍, പ്രസിഡന്റ് ടി.എം ശശി, കേന്ദ്ര കമ്മിറ്റി അംഗം വി.പി റജീന, ടി.വി ഗിരീഷ്, ടി.അബ്ദുല്‍കരീം, സുലോചന, പി.പി സുമോദ്, കെ.പി പ്രജീഷ്, എന്നിവര്‍ ചേര്‍ന്നു സ്വീകരിച്ചു.
ജാഥയെ പിന്നീട് നൂറ് കണക്കിന് വാഹനങ്ങളുടെ അകമ്പടിയോടെ ആദ്യ സ്വീകരണ സ്ഥലമായ തൃത്താലയിലേക്ക് ആനയിച്ചു. സ്വീകരണയോഗത്തില്‍   ജാഥ ക്യാപ്റ്റന്‍ ബിജു, സംസ്ഥാന കമ്മിറ്റി അംഗം ഷാജര്‍ സംസാരിച്ചു. ബ്ലോക്ക് സെക്രട്ടറി പി.പി സുമോദ് അധ്യക്ഷനായി. അനൂപ് സ്വാഗതം പറഞ്ഞു.