കോട്ടയം: കെവിന്‍ വധക്കേസില്‍ സംഭവ ദിവസത്തെ പ്രതികളുടെ ഫോണ്‍ കോളുകള്‍ സ്ഥിരീകരിക്കുന്നതിന് മൊബൈല്‍ കമ്പനിയായ എയര്‍ടെല്‍ നോഡല്‍ ഓഫിസറെ വിസ്തരിച്ചു. ഭാരതി എയര്‍ടെല്‍ നോഡല്‍ ഓഫിസര്‍ പി. വാസുദേവനെയാണ് വിസ്തരിച്ചത്. കെവിനെ തട്ടിക്കൊണ്ടുപോയ ദിവസം ഒന്നാം പ്രതി ഷാനുചാക്കോ, ആറാം പ്രതി മനു മുരളീധരന്‍, 11ാം പ്രതി ഫസല്‍ ഷെരീഫ് എന്നിവരുടെ ഫോണ്‍ കോളുകള്‍ പരിശോധിച്ചു.
പ്രതികള്‍ മാന്നാം, ഗാന്ധിനഗര്‍, ചാലിയേക്കര പുഴയൊഴുകുന്ന കല്ലാര്‍ എന്നിവിടങ്ങളില്‍ എത്തിയിരുന്നതായുള്ള ഫോണ്‍ രേഖകള്‍ നോഡല്‍ ഓഫിസര്‍ ശരിവച്ചു.