വളാഞ്ചേരി: പൂക്കാട്ടിരി എടയൂര്‍ ഗ്രാമീണ വായനശാല അറുപതാം വാര്‍ഷികാഘോഷം എടയൂര്‍ ഗ്രാമ പഞ്ചായത്ത് പ്രസിഡന്റ് കെ.കെ രാജീവ് ഉദ്ഘാടനം ചെയ്തു.
വായനശാല പ്രസിഡന്റ് പി.വി സുരേന്ദ്രന്‍ അധ്യക്ഷനായി. മാപ്പിളപ്പാട്ടു കലാകാരന്‍ ഫിറോസ് ബാബു മുഖ്യാതിഥിയായി. മികച്ച ഗ്രന്ഥശാല പ്രവര്‍ത്തകനുള്ള കേരള സാഹിത്യ അക്കാദമി അംഗീകാരം ലഭിച്ച കോട്ടക്കല്‍ കെ പത്‌നാഭന്‍ മാസ്റ്ററെ ചടങ്ങില്‍ ആദരിച്ചു.
താലൂക്ക് ഗ്രന്ഥശാല സെക്രട്ടറി കെ.എ ഷറഫുദ്ദീന്‍, പഞ്ചായത്തംഗങ്ങളായ വള്ളൂരാന്‍ സലിന, വി.പി.എ ഷുക്കൂര്‍, ബിന്ദുഗോപാലന്‍, എ.എന്‍ ജോയ്, പി.പി പ്രേമജ, ഇ മുകുന്ദന്‍, എം.പി ഉണ്ണി സംസാരിച്ചു.
തുടര്‍ന്ന് ഗ്രന്ഥശാല പ്രവര്‍ത്തകരുടെ കലാപരിപാടിയും നാടകവും അരങ്ങേറി.