വിതുര: തൊളിക്കോട് പഞ്ചായത്തിലെ തുരുത്തി പാലക്കോണ്‍ മൂന്ന് സെന്റ് കോളനിയിലെ വിവിധ നവീകരണ പ്രവര്‍ത്തനങ്ങളുടെ ഉദ്ഘാടനം കെ.എസ്.ശബരീനാഥന്‍ എം.എല്‍.എ നിര്‍വ്വഹിച്ചു. ബ്ലോക്ക് പഞ്ചായത്ത് ഫണ്ടില്‍ നിന്നും 30 ലക്ഷം രൂപ വിനിയോഗിച്ച് റോഡ്, സൈഡ് വാള്‍, ശ്മശാനം എന്നിവയാണ് നിര്‍മ്മിച്ചത്. ബ്ലോക്ക് പഞ്ചായത്ത് വൈസ് പ്രസിഡന്റ് എല്‍.റീനയുടെ അദ്ധ്യക്ഷതയില്‍ കൂടിയ ചടങ്ങില്‍ ജില്ലാ പഞ്ചായത്ത് മെമ്പര്‍ ആനാട് ജയന്‍, ബ്ലോക്ക് പഞ്ചായത്ത് മെമ്പര്‍ തോട്ടുമുക്ക് അന്‍സര്‍, വാര്‍ഡ് മെമ്പര്‍, എന്‍.എസ്.ഹാഷിം, വൈ.എം.സുധീര്‍, പി.പുഷ്പാംഗദന്‍ നായര്‍, എം.എം.ബുഹാരി, അജിത് ദിവാകരന്‍  സംബന്ധിച്ചു.