കുറ്റ്യാടി: വേളം പൂമുഖത്തു നടന്ന ലീഗ്-പൊലിസ് സംഘര്‍ഷത്തിന്റെ പശ്ചാത്തലത്തില്‍ സര്‍വകക്ഷി സമാധാന യോഗം ചേര്‍ന്നു. ജില്ലാ കലക്ടര്‍ വിളിച്ചുചേര്‍ത്ത യോഗത്തില്‍ കുറ്റ്യാടി എം.എല്‍.എ പാറക്കല്‍ അബ്ദുല്ല അധ്യക്ഷനായി. സംഭവത്തില്‍ പങ്കാളികളായ യഥാര്‍ഥ പ്രതികളുടെ പേര് വിഡിയോ ക്ലിപ്പിങ്ങിന്റെ സഹായത്തോടെ പുറത്തുവിടാനും നിരപരാധികളെ പീഡിപ്പിക്കുന്നത് അവസാനിപ്പിക്കാനും തീരുമാനിച്ചു. കലക്ടര്‍ യു.വി ജോസ്, റൂറല്‍ എസ്.പി പുഷ്‌കരന്‍, തഹസില്‍ദാര്‍ സതീഷ്‌കുമാര്‍, സി.ഐ എന്‍. സുനില്‍കുമാര്‍, വി.കെ അബ്ദുല്ല, വി.എം ചന്ദ്രന്‍, പി. അമ്മദ് മാസ്റ്റര്‍, പി. സുരേഷ്ബാബു, ടി.വി ഗംഗാധരന്‍, എം.എ കുഞ്ഞബ്ദുല്ല പ്രസംഗിച്ചു.