മസ്‌കത്ത്: വിദേശ രാജ്യങ്ങളിൽ നിന്ന് ഒമാനിൽ പ്രവേശിക്കുന്നവരുടെ ക്വാറന്റൈൻ കാലാവധി ഒരാഴ്ച്ചയായി കുറച്ചു. നേരത്തെ ഇത് രണ്ടാഴ്ച്ചയായിരുന്നു. ആഭ്യന്തരമന്ത്രി സയ്യിദ് ഹമൂദ് ബിൻ ഫൈസൽ അൽ ബുസൈദിയുടെ അധ്യക്ഷതയിൽ   ഞായറാഴ്ച ചേർന്ന സുപ്രീം കമ്മറ്റി  യോഗത്തിലാണ് തീരുമാനം കൈകൊണ്ടത് 

 

ഒമാനിലേക്ക്   വരുന്ന  യാത്രക്കാരുടെ കൈവശം  രാജ്യത്ത്‌  പ്രവേശിക്കുന്നതിന് 96 മണിക്കൂറിനുള്ളിൽ   പിസിആർ പരിശോധന നടത്തിയതിന്റെ  സർട്ടിഫിക്കറ്റ് ഉണ്ടായിരിക്കണം. എയർപോർട്ടിൽ വീണ്ടും പി സി ആർ ടെസ്റ്റിന് വിധേയമാകണം. ക്വാറന്റീൻ കാലാവധി കഴിഞ്ഞ് എട്ടാമത്തെ ദിവസം ഒരു പി സി ആർ ടെസ്റ്റ്‌ കുടി നടത്തണമെന്നും സുപ്രീം കമ്മറ്റി അറിയിച്ചു.

 

രാജ്യത്ത് കോവിഡ് മഹാമാരി 9 മാസം പിന്നിടുമ്പോൾ സ്വദേശി സ്കൂളുകൾ തുറന്നത് ആശ്വാസമായി.പ്ലസ്ടു വിദ്യാർത്ഥികൾക്കുള്ള ക്ലാസ്സാണ് തുടങ്ങിയിട്ടുള്ളത്.ഓൺലൈൻ ഓഫ് ലൈൻ  സംയോജിത വിദ്ദ്യാഭ്യാസ രീതിയിലാണ് സ്കൂളുകൾ പ്രവർത്തിക്കുക.മറ്റ്‌ ക്ലാസുകൾ ഓൺലൈനിൽ തുടരും.