കോഴിക്കോട്: കോഴിക്കോട് ടാഗോര്‍ സെന്റിനറി ഹാളിന് മുന്‍വശത്തെ റോഡില്‍ ഓടിക്കൊണ്ടിരിക്കെ കാറിന് തീപിടിച്ചു. താനാളൂര്‍ കെ.ടി ഹൗസില്‍ തൗഫീക്കിന്റെ ഉടമസ്ഥതയിലുള്ള കെ.എല്‍ 65 ബി. 6594 നമ്പര്‍ മാരുതി റിറ്റ്‌സ് കാറിനാണ് തീപിടിച്ചത്. ഇന്നലെ രാത്രി ഏഴരയോടെയാണ് സംഭവം.
തൗഫീക്കും നാല് കുടുംബാംഗങ്ങളും കോഴിക്കോട് കടപ്പുറത്തേക്ക് പോകുന്നവഴിയാണ് സംഭവം നടന്നത്. എന്‍ജിനിന്റെ ഭാഗത്തുനിന്ന് പുക ഉയരുന്നത് കണ്ട് യാത്രക്കാര്‍ ഉടന്‍ പുറത്തിറങ്ങുകയായിരുന്നു. ബീച്ച് ഫയര്‍ സ്റ്റേഷനില്‍നിന്ന് രണ്ട് യൂനിറ്റ് അഗ്‌നിശമന സേനാംഗങ്ങളെത്തിയാണ് തീയണച്ചത്. സ്റ്റേഷന്‍ ഓഫിസര്‍ പനോത്ത് അജിത്ത്കുമാറിന്റെ നേതൃത്വത്തില്‍ ലീഡിങ് ഫയര്‍മാന്‍ എന്‍. രമേശന്‍, വി.പി അജയന്‍ എന്നിവരടങ്ങുന്ന അഗ്‌നിരക്ഷാ സേനയാണ് തീയണച്ചത്.