ലക്‌നൗ: ഉന്നാവോയില്‍ ക്രൂര പീഡനത്തിനിരയായ പെണ്‍കുട്ടിയുടെ പിതാവിനെ കൊലപ്പെടുത്തിയതുമായി ബന്ധപ്പെട്ട കേസില്‍ ബി.ജെ.പി മുന്‍ എം.എല്‍.എ കുല്‍ദീപ് സെന്‍ഗാറിന്റെ ഹരജിയില്‍ സി.ബി.ഐയുടെ മറുപടി തേടി ഡല്‍ഹി ഹൈക്കോടതി. തനിക്കെതിരേ കുറ്റം ചുമത്തിയത് റദ്ദാക്കണമെന്ന സെന്‍ഗാറിന്റെ ഹരജിയിലാണ് കോടതിയുടെ നടപടി.ഹരജി ഈ മാസം പത്തിന് വീണ്ടും പരിഗണിക്കും. 2017ല്‍ 17കാരിയെ ബലാത്സംഗം ചെയ്ത കേസിലാണ് ബി.ജെ.പി നേതാവായ സെന്‍ഗാറടക്കമുള്ളവരെ ശിക്ഷിച്ചിരുന്നത്.