വെങ്ങപ്പള്ളി: മലേഷ്യയില്‍ നടന്ന ഐ.എസ്.ഒ.ഐ.ടി അന്താരാഷ്ട്ര സെമിനാറില്‍ പ്രബന്ധം രചിക്കാന്‍ അവസരം ലഭിച്ചതില്‍ അഭിമാനമായി മുഹമ്മദ് റാഫി.
ശംസുല്‍ ഉലമാ ഇസ്‌ലാമിക് അക്കാദമിയിലെ അഞ്ചാം വര്‍ഷ വാഫി വിദ്യാര്‍ഥിയും കാവുംമന്ദം സ്വദേശിയുമായ കെ.എം മുഹമ്മദ് റാഫിയാണ് ഇന്നലെ മലേഷ്യയില്‍ നടന്ന സെമിനാറില്‍ പങ്കെടുത്ത് ഹ്യൂമണ്‍ റൈറ്റ്‌സ് ഇന്‍ ഇസ്‌ലാം എ കംപാരിറ്റീവ് സ്റ്റഡി എന്ന വിഷയത്തിലാണ് പ്രബന്ധമവതരിപ്പിച്ചത്. പാഠ്യപാഠ്യേതര വിഷയങ്ങളിലും റാഫി മികവ് പുലര്‍ത്തിയിരുന്നു. കൂടാതെ സ്ഥാപനത്തില്‍ നടക്കുന്ന സര്‍ഗലയങ്ങളിലും എപ്പോഴും വിവിധ വിഷയങ്ങളില്‍ ഒന്നാം സ്ഥാനം റാഫിക്കായിരുന്നു. മജ്‌ലിസ് വാകേരി പൂര്‍വ വിദ്യാര്‍ഥിയും മുസ്തഫയുടെയും റഷീനയുടെയും മകനുമാണ്.