കൊച്ചി: ഫിഫയുടെ അണ്ടര്‍ 17 ലോകകപ്പിന് കലൂര്‍ രാജ്യാന്തര സ്റ്റേഡിയം വേദിയാവും. വേദി പരിശോധിക്കാനെത്തിയ ഫിഫയുടെ സംഘം സ്റ്റേഡിയം മത്സരയോഗ്യമാണെന്ന് അറിയിക്കുകയായിരുന്നു. സുരക്ഷാ ക്രമീകരണങ്ങളിലും മറ്റു ക്രമീകരണങ്ങളിലും പൂര്‍ണ തൃപ്തിയാണ് ഫിഫ സംഘം രേഖപ്പെടുത്തിയത്.
ക്വാര്‍ട്ടര്‍ ഫൈനലടക്കം ഒമ്പത് മത്സരങ്ങള്‍ക്കാണ് കൊച്ചി വേദിയാവുക. 41,748 കാണികള്‍ക്ക് മാത്രമാണ് സ്റ്റേഡിയത്തില്‍ പ്രവേശിക്കാനാവൂ. സുരക്ഷാ കാരണങ്ങളാലാണ് പ്രവേശനത്തില്‍ നിയന്ത്രണമെന്ന് അധികൃതര്‍ അറിയിച്ചു.