സംഘ്പരിവാര്‍ എതിര്‍ത്തു അരുന്ധതിയുടെ പുസ്തകം സിലബസില്‍നിന്ന് പുറത്ത്

backup

November 13, 2020 | 1:14 AM

%e0%b4%b8%e0%b4%82%e0%b4%98%e0%b5%8d%e0%b4%aa%e0%b4%b0%e0%b4%bf%e0%b4%b5%e0%b4%be%e0%b4%b0%e0%b5%8d%e2%80%8d-%e0%b4%8e%e0%b4%a4%e0%b4%bf%e0%b4%b0%e0%b5%8d%e2%80%8d%e0%b4%a4%e0%b5%8d%e0%b4%a4%e0%b5%81

ചെന്നൈ: സംഘ്പരിവാരിന്റെ എതിര്‍പ്പിനെത്തുടര്‍ന്ന് തമിഴ്‌നാട്ടിലെ സര്‍വകലാശാലയില്‍ നിന്ന് പ്രമുഖ എഴുത്തുകാരിയും സാമൂഹിക പ്രവര്‍ത്തകയുമായ അരുന്ധതി റോയിയുടെ പുസ്തകം പിന്‍വലിച്ചു.
തിരുനെല്‍വേലി മനോമണിയന്‍ സുന്ദരാനര്‍ സര്‍വകലാശാലയാണ് അരുന്ധതിയുടെ മാവോയിസ്റ്റുകളെ കുറിച്ചുള്ള 'വാക്കിങ് വിത്ത് ദി കൊമ്രേഡ്‌സ്' എന്ന പുസ്തകം പിന്‍വലിച്ചത്. ബസ്തറിലെ മാവോയിസ്റ്റുകളുടെ താവളങ്ങള്‍ സന്ദര്‍ശിച്ച് അവരുമായി സംസാരിച്ച് തയാറാക്കിയതാണ് 'വാക്കിങ് വിത്ത് ദി കൊമ്രേഡ്‌സ്'.
ഇംഗ്ലീഷ് ബിരുദാനന്തര ബിരുദ കോഴ്‌സിന്റെ സിലബസില്‍ പാഠ്യവിഷയമായാണ് പുസ്തകം ഉള്‍പ്പെടുത്തിയത്. പുസ്തകം പിന്‍വലിക്കണമെന്നാവശ്യപ്പെട്ട് എ.ബി.വി.പി രംഗത്തുവന്നിരുന്നു. ഇതോടെ സര്‍വകലാശാല വി.സി യോഗം വിളിച്ച് പുസ്തകം പിന്‍വലിക്കാന്‍ തീരുമാനം എടുക്കുകയായിരുന്നു. 2017 മുതലാണ് അരുന്ധതിയുടെ പുസ്തകം സിലബസില്‍ ഉള്‍പ്പെടുത്തിയത്.
എന്നാല്‍, കഴിഞ്ഞയാഴ്ച്ച പരാതി കിട്ടിയതോടെ പുസ്തകം പരിശോധിക്കാന്‍ സമിതിയെ നിയോഗിച്ചെന്നും മാവോയിസ്റ്റുകളെ പുസ്തകത്തില്‍ മഹത്വവല്‍കരിക്കുന്നത് സമിതി കണ്ടെത്തിയതിനാലാണ് അത് പിന്‍വലിച്ചതെന്നും വി.സി കെ. പിച്ചുമണി പറഞ്ഞു

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."