പറവൂര്‍: ഉടുപ്പി മദ്ധ്യബ്രാഹ്മണസഭ 39 ാമത് സംസ്ഥാന സമ്മേളനത്തിന് നാളെ പറവൂരില്‍ തുടക്കമാകും. പറവൂര്‍ സമൂഹം ഹൈസ്‌കൂള്‍ ഹാളില്‍ 20ന് ആരംഭിക്കുന്ന കലാകായിക മത്സരങ്ങളോടെയാണ് സമ്മേളനത്തിന് ആരംഭംകുറിക്കുന്നത്. രാവിലെ ഒന്‍പതിന് കെ.പി.എ.സി സജീവ് ഉദ്ഘാടനം ചെയ്യും.
21ന് രാവിലെ 10ന് പറവൂരിലെ പ്രശസ്തരായ മുതിര്‍ന്ന സമുദായ അംഗങ്ങളെ ആദരിക്കല്‍, 10.30ന് എസ് നാരായണന്‍ രചിച്ച ശ്രീ പൂര്‍ണത്രയിശനും, അമ്പലവാസികളും പിന്നെ ഞാനും എന്ന പുസ്തകത്തിന്റെ പ്രകാശനം ബി ഗിരിരാജന്‍ നിര്‍വഹിക്കും.
തുടര്‍ന്ന് നമ്മുടെ സമുദായം, സ്ത്രീ, വിവാഹം, പ്രശ്‌നങ്ങള്‍, പരിഹാരം എന്ന വിഷയത്തില്‍ സെമിനാര്‍ നടക്കും. 2.30ന് ആരംഭിക്കുന്ന പൊതുസമ്മേളനം വി.ഡി സതീശന്‍ എം.എല്‍.എ ഉദ്ഘാടനം ചെയ്യും.ബി ഗിരിരാജന്‍ അധ്യക്ഷത വഹിക്കും. എസ് ശര്‍മ എം.എല്‍.എ അവാര്‍ഡുകള്‍ വിതരണം ചെയ്യും.