ബാര്‍മര്‍: മതപരമായ ആഘോഷത്തിനിടയില്‍ പന്തല്‍ തകര്‍ന്ന് 14 പേര്‍ മരിച്ചു. 50 പേര്‍ക്ക് പരുക്കേറ്റു. ബാര്‍മര്‍ ജില്ലയില്‍ ഇന്നലെയായിരുന്നു അപകടം. ശക്തമായ കാറ്റാണ് പന്തല്‍ തകര്‍ന്നുവീഴാന്‍ കാരണമായതെന്ന് ബാര്‍മര്‍ പൊലിസ് സൂപ്രണ്ട് ഖിന്‍വ് സിങ് അറിയിച്ചു. നൂറുകണക്കിന് ആളുകളാണ് പരിപാടിയില്‍ പങ്കെടുക്കാനായി എത്തിയിരുന്നത്. സംഭവത്തെക്കുറിച്ച് അന്വേഷിക്കാന്‍ മുഖ്യമന്ത്രി അശോക് ഗലോട്ട് ഉത്തരവിട്ടു.