ഐ.എച്ച്.ആര്‍.ഡിയുടെ കീഴിലുള്ള എന്‍ജിനീയറിങ് കോളജുകളില്‍ മൂന്നാം ഘട്ട അലോട്ട്‌മെന്റിനു ശേഷം ഒഴിവു വരുന്ന ബി.ടെക് സീറ്റുകളിലേക്ക് തത്സമയ പ്രവേശനത്തിനായി ഇന്നു മുതല്‍ അപേക്ഷിക്കാം. ഇലക്ട്രോണിക്‌സ് ആന്‍ഡ് ബയോമെഡിക്കല്‍ എന്‍ജിനീയറിങ്, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിങ്, ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എന്‍ജിനീയറിങ്, കംപ്യൂട്ടര്‍ സയന്‍സ് ആന്‍ഡ് എന്‍ജിനീയറിങ്, മെക്കാനിക്കല്‍ എന്‍ജിനീയറിങ് എന്നീ വിഷയങ്ങളിലാണ് സീറ്റുകള്‍ ഒഴിവുള്ളത്.
ആറ്റിങ്ങല്‍ (8547005037), കരുനാഗപ്പള്ളി (8547005036), കൊട്ടാരക്കര (8547005039), അടൂര്‍ (8547005100), ചെങ്ങന്നൂര്‍ (8547005032), ചേര്‍ത്തല (8547005038) കല്ലൂപ്പാറ (8547005034), പൂഞ്ഞാര്‍ (8547005035), തൃക്കാക്കര (8547005097) എന്നിവിടങ്ങളിലാണ് എന്‍ജിനീയറിങ് കോളേജുകള്‍ പ്രവര്‍ത്തിക്കുന്നത്. നിശ്ചിത യോഗ്യത നേടിയിട്ടുള്ളവര്‍ അപേക്ഷകള്‍ നേരിട്ടോ ഇമെയില്‍ മുഖേനയോ ബന്ധപ്പെട്ട കോളജുകളില്‍ സമര്‍പ്പിക്കാം. നിയമാനുസൃതം അര്‍ഹതപ്പെട്ടവര്‍ക്ക് ഫീസിളവ് ലഭിക്കും. വിശദവിവരങ്ങള്‍ ബന്ധപ്പെട്ട കോളേജുകളുടെ വെബ്‌സൈറ്റുകളില്‍ ലഭിക്കും.