കാളികാവ്: ഇന്ത്യയുടെ മിസൈല്‍മാന്‍ എ.പി.ജെ അബ്ദുല്‍ കലാമിന്റെ ഓര്‍മ ദിനത്തില്‍ കുഞ്ഞു റോക്കറ്റുകള്‍ നിര്‍മിച്ച് വിദ്യാര്‍ഥികള്‍ പ്രണാമം അര്‍പ്പിച്ചു. കാളികാവ് ബസാര്‍ ജി.യു.പി സ്‌കൂള്‍ വിദ്യാര്‍ഥികളാണ് അദ്ദേഹത്തിന്റെ ഓര്‍മദിനത്തില്‍ റോക്കറ്റുകള്‍ നിര്‍മിച്ച് പ്രണാമമര്‍പ്പിച്ചത്.
കുട്ടികള്‍ നിര്‍മിച്ച റോക്കറ്റുകള്‍ വിദ്യാലയ മുറ്റത്ത് പ്രദര്‍ശിപ്പിക്കുകയും വാട്ടര്‍ റോക്കറ്റ് വിക്ഷേപണവും മാറ്റ് ശാസ്ത്ര പരീക്ഷണങ്ങളുടെ പ്രദര്‍ശനവും നടത്തി.                      
      കുട്ടികള്‍ ഓരോരുത്തരും വരച്ച കലാമിന്റെ കാരിക്കേച്ചര്‍ പ്രദര്‍ശനവും നടത്തി. അനുസ്മരണ  പ്രഭാഷണവും കലാമിന്റെ പുസ്തകങ്ങളുടെ പ്രദര്‍ശനവും നടത്തി.
വിദ്യാലയത്തിലെ ശാസ്ത്ര ക്ലബിന്റെ നേതൃത്വത്തില്‍ സംഘടിപ്പിച്ച അനുസ്മരണ പരിപാടികള്‍ക്ക് അധ്യാപകരായ നിജിത, സ്മിത, ഷബ്‌ന മുനീര്‍ തുടങ്ങിയവര്‍ നേതൃത്വം നല്‍കി.