ചേളാരി: സമസ്ത കേരള ഇസ്‌ലാം മത വിദ്യാഭ്യാസ പരീക്ഷാബോര്‍ഡ് ജൂണ്‍ 23ന് നടത്തിയ സേ പരീക്ഷയുടെ ഫലം പ്രസിദ്ധീകരിച്ചു. അഞ്ച്, ഏഴ്, പത്ത്, പ്ലസ്ടു ക്ലാസുകളില്‍ രജിസ്റ്റര്‍ ചെയ്ത 672 വിദ്യാര്‍ഥികളില്‍ 621 പേര്‍ (92.42 ശതമാനം) വിജയിച്ചു.
2019 മാര്‍ച്ച് 30,31 തിയതികളില്‍ സ്‌കൂള്‍ കലണ്ടര്‍ പ്രകാരവും ഏപ്രില്‍ 14, 15 തിയതികളില്‍ ജനറല്‍ കലണ്ടര്‍ പ്രകാരവും നടത്തിയ പൊതുപരീക്ഷയില്‍ ഒരു വിഷയത്തില്‍ മാത്രം പരാജയപ്പെട്ട വിദ്യാര്‍ഥികള്‍ക്കായാണ് പരീക്ഷ നടത്തിയത്.
ഫലം www.sama-stha.info, www.result.samastha.info എന്നീ വെബ്‌സൈറ്റുകളില്‍ ലഭിക്കുമെന്ന് പരീക്ഷാബോര്‍ഡ് ചെയര്‍മാന്‍ അറിയിച്ചു.