കൊച്ചി: ഇന്ത്യന്‍ കോഫി ഹൗസില്‍ ദേശാഭിമാനി പത്രം മാത്രം വരുത്തിയാല്‍ മതിയെന്ന ഉത്തരവ് വിവാദമായതോടെ പിന്‍വലിച്ചു. മാധ്യമവിലക്കിനെതിരേ ശക്തമായ വിമര്‍ശനം ഉയര്‍ന്നതോടെയാണ് കോഫ് ഹൗസ് അഡ്മിനിസ്‌ട്രേറ്റര്‍ ഉത്തരവ് പിന്‍വലിച്ചത്.

ഇന്ത്യന്‍ കോഫി ഹൗസുകളില്‍ ദേശാഭിമാനി ഒഴികെയുളള മാധ്യമങ്ങള്‍ക്ക് വിലക്ക് ഏര്‍പ്പെടുത്തി മേയ് ഒന്നു മുതല്‍ മറ്റ് മാധ്യമങ്ങള്‍ കോഫിഹൗസുകളില്‍ വാങ്ങുകയോ വില്‍ക്കുകയോ ചെയ്യരുതെന്ന് അഡ്മിനിസ്‌ട്രേറ്റര്‍ ഉത്തരവ് പുറത്തിറക്കിയത് വിവാദമായിരുന്നു. സിപിഎം മുഖപത്രമായ ദേശാഭിമാനി നിര്‍ബന്ധമായി വരുത്തണമെന്നും ഉത്തരവില്‍ വ്യക്തമാക്കിയിരുന്നു.