എളേറ്റില്‍: മുസ്‌ലിം യൂത്ത് ലീഗ് കിഴക്കോത്ത് താഴെച്ചാലില്‍ യൂനിറ്റും ഖത്തര്‍ കെ.എം.സി.സി കിഴക്കോത്ത് പഞ്ചായത്ത് കമ്മിറ്റിയും സംയുക്തമായി നിര്‍മിച്ച ബൈത്തുറഹ്മയുടെ സമര്‍പ്പണം ഇന്ന് വൈകിട്ട് ഏഴിന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വ്വഹിക്കും. ഉച്ചക്ക് രണ്ടിന് കുടുംബ സംഗമം വനിതാ ലീഗ് ജില്ലാ ജന. സെക്രട്ടറി പി.ടി.എം ഷറഫുന്നിസ ടീച്ചര്‍ ഉദ്ഘാടനം ചെയ്യും.
അഡ്വ. ഇബ്രാഹീം പള്ളങ്ങോട് മുഖ്യ പ്രഭാഷണം നിര്‍വ്വഹിക്കും. പൊതുസമ്മേളനത്തില്‍ സി. മോയിന്‍കുട്ടി, അഡ്വ. പി.കെ ഫിറോസ്, എം.എ റസാഖ് മാസ്റ്റര്‍, വി.എം ഉമ്മര്‍ മാസ്റ്റര്‍, നജീബ് കാന്തപുരം കെ.കെ അബ്ദുല്‍ അസീസ്, ഇബ്രാഹീം എളേറ്റില്‍, എം.എ ഗഫൂര്‍ മാസ്റ്റര്‍, ടി. മൊയ്തീന്‍കോയ, വി.കെ അബ്ദുറഹിമാന്‍, ഒ.പി.എം അഷ്‌റഫ് പങ്കെടുക്കും.
പരിപാടിയോട് അനുബന്ധിച്ച് ഇന്നലെ നടന്ന ചങ്ങാതിക്കൂട്ടം ജില്ലാ പഞ്ചായത്ത് മെംബര്‍ എം.എ ഗഫൂര്‍ ഉദ്ഘാടനം ചെയ്തു.