തിരുവനന്തപുരം: തദ്ദേശസ്വയംഭരണ സ്ഥാപനങ്ങളിലെ വിവിധ വാര്‍ഡുകളില്‍ ഇന്നലെ നടന്ന ഉപതെരഞ്ഞെടുപ്പില്‍ 76.81 ശതമാനം പോളിങ്.
തിരുവനന്തപുരം കോര്‍പറേഷനിലെ പാപ്പനംകോട് വാര്‍ഡില്‍ 69.67  ശതമാനവും കാസര്‍കോട് ജില്ലാ പഞ്ചായത്തിലെ ഉദുമ ഡിവിഷനില്‍ 61.61 ശതമാനവുമാണ് പോളിങ്. തിരുവനന്തപുരം ജില്ലയില്‍ തൊളിക്കോട് ഗ്രാമപഞ്ചായത്തിലെ തോട്ടുമുക്ക് വാര്‍ഡില്‍ 76.24ഉം വെട്ടൂര്‍ ഗ്രാമപഞ്ചായത്ത് അക്കരവിള വാര്‍ഡില്‍ 73.13ഉം പോളിങ് രേഖപ്പെടുത്തി.
ആലപ്പുഴ പാലമേല്‍ ഗ്രാമപഞ്ചായത്ത് ആദിക്കാട്ടുകുളങ്ങരയില്‍ 82.30, ആലപ്പുഴ ചേര്‍ത്തല മുനിസിപ്പാലിറ്റി സിവില്‍ സ്റ്റേഷന്‍ വാര്‍ഡില്‍ 83.56, കോട്ടയം മാടപ്പളളി ഗ്രാമപഞ്ചായത്ത് കണിച്ചുകുളം വാര്‍ഡില്‍ 76.09, കോട്ടയം മണര്‍കാട് ഗ്രാമപഞ്ചായത്ത് പറമ്പുകര വാര്‍ഡില്‍ 79.54, ഇടുക്കി കൊക്കയാര്‍ ഗ്രാമപഞ്ചായത്ത് മുളംകുന്ന് വാര്‍ഡില്‍ 85.85, എറണാകുളം തൃപ്പൂണിത്തുറ മുനിസിപ്പാലിറ്റി ചക്കംകുളങ്ങര വാര്‍ഡില്‍ 73.04, തൃശ്ശൂര്‍ ശ്രീനാരായണപുരം ഗ്രാമപഞ്ചായത്ത് പത്താഴക്കാട് വാര്‍ഡില്‍ 87.21, പാലക്കാട് ഒറ്റപ്പാലം മുനിസിപ്പാലിറ്റി കണ്ണിയംപുറം വാര്‍ഡില്‍ 76.43, മലപ്പുറം ഊരകം ഗ്രാമപഞ്ചായത്ത് ഒ.കെ.എം.നഗര്‍ വാര്‍ഡില്‍ 76.68, കോഴിക്കോട് ഓമശ്ശേരി ഗ്രാമപഞ്ചായത്ത് ഓമശ്ശേരി ഈസ്റ്റ് വാര്‍ഡില്‍ 85.76, കണ്ണൂര്‍ കല്യാശ്ശേരി ഗ്രാമപഞ്ചായത്ത് അഞ്ചാംപീടിക വാര്‍ഡില്‍ 65.05 ശതമാനവുമാണ് പോളിങ്. വോട്ടെണ്ണല്‍ ഇന്ന് രാവിലെ എട്ടിന് ആരംഭിക്കും.