ബറേലി: യുനാവോ റെയില്‍വേ സ്റ്റേഷനടുത്ത് ലോക്മാന്യ തിലക് സൂപ്പര്‍ ഫാസ്റ്റ് ട്രെയിന്‍ പാളം തെറ്റി. ട്രെയ്‌നിന്റെ 11 ബോഗികളാണ് പാളം തെറ്റിയതെങ്കിലും യാത്രക്കാര്‍ക്കാര്‍ക്കും പരുക്കേറ്റതായി റിപ്പോര്‍ട്ടില്ല. മുംബൈയില്‍ നിന്ന് ലഖ്‌നൗവിലേക്ക് വരികയായിരുന്ന ട്രെയിന്‍ ഇന്നലെ ഉച്ചക്ക് 1.45ഓടെയാണ് പാളം തെറ്റിയത്. തീവണ്ടി പാളം തെറ്റിയതിനുപിന്നില്‍ അട്ടിമറിയുണ്ടോയെന്ന കാര്യത്തെക്കുറിച്ച് അന്വേഷിക്കുന്നതിനായി ഭീകര വിരുദ്ധ സേന സ്ഥലത്തെത്തിയിട്ടുണ്ട്.