കൊച്ചി: സംസ്ഥാനത്തെ സ്വകാര്യ ബസുകളില്‍ യാത്രക്കാര്‍ കുട ചൂടേണ്ട അവസ്ഥയിലാണെന്ന് ഹൈക്കോടതി. സ്വകാര്യ ബസുകളുടെ കാലദൈര്‍ഘ്യം കൂട്ടിയ ഹരജി പരിഗണിക്കുന്നതിനിടെയാണ് ഹൈക്കോടതി പരാമര്‍ശം. കാലാവധി നീട്ടാന്‍ തീരുമാനമെടുത്ത മുഴുവന്‍ സര്‍ക്കാര്‍ ഫയലുകളും ഹൈക്കോടതി നേരത്തെ വിളിച്ചു വരുത്തിയിരുന്നു.
വിഷയത്തില്‍പല തവണ ആവശ്യപ്പെട്ടിട്ടും ഗതാഗത വകുപ്പ് സത്യവാങ്മൂലം ഫയല്‍ ചെയ്തിട്ടില്ല. അടുത്ത തവണ ഹരജി പരിഗണിക്കുന്നതിന് മുന്‍പ് ഗതാഗത വകുപ്പ് സത്യവാങ്മൂലം ഫയല്‍ ചെയ്യണം. ഇനി സമയം അനുവദിക്കാന്‍ കഴിയില്ലെന്നും കോടതി വ്യക്തമാക്കി.