കല്യാണ്‍: നാസിക് സ്വദേശികളായ മൂന്നുപേരെ സ്‌ഫോടക വസ്തുക്കളുമായി പൊലിസ് പിടികൂടി. ക്വാറി മാഫിയകള്‍ക്കായി വിതരണം ചെയ്യാനാണ് സ്‌ഫോടക വസ്തുക്കള്‍ കൊണ്ടുവന്നതെന്നാണ് ഇവര്‍ പൊലിസിന് നല്‍കിയ മൊഴി. താനെയിലെ ഗണേശ്പുരി ഏരിയയില്‍ നിന്നാണ് ശങ്കര്‍ ആഹിര്‍, സാഗര്‍ ആഹിര്‍, അജയ് ഗാവ്്‌ലി എന്നിവരെ പൊലിസ് അറസ്റ്റ് ചെയ്തത്. 175 കിലോ ജലാറ്റിന്‍ സ്റ്റിക്, 1200 ഡിറ്റനേറ്ററുകള്‍, 125 കിലോ അമോണിയം നൈട്രേറ്റ് എന്നിവയാണ് പിടികൂടിയത്. ഇവയ്ക്ക് അഞ്ചു ലക്ഷം രൂപ വിലവരും. പിടിയിലായവര്‍ക്ക് സ്‌ഫോടക വസ്തുക്കള്‍ സൂക്ഷിക്കാനുള്ള ലൈസന്‍സ് ഇല്ലെന്ന് പൊലിസ് അറിയിച്ചു.