പാപ്പിനിശ്ശേരി: ഇന്നലെ രാത്രിയില്‍ പെയ്ത ശക്തമായ കാറ്റിലും മഴയിലും വീടിന് ഇടിമിന്നലേറ്റു. പാപ്പിനിശ്ശേരി കരിക്കന്‍കുളം പാട്ടത്തില്‍ അശോകന്റെ വീടിനാണ് ഇടിമിന്നലേറ്റത്.
ഇന്നലെ രാത്രി 7.30ന് വലിയ ശബ്ദത്തോടുകൂടി ഉണ്ടായ മിന്നലില്‍ വീട്ടിലെ വൈദ്യുത വയറിങ് പൂര്‍ണമായും കത്തിപ്പോവുകയും മെയിന്‍ സ്വിച്ച് പൊട്ടിത്തെറിക്കുകയും ചെയ്തു.
അപകടത്തെത്തുടര്‍ന്ന് അശോകന്റെ മകള്‍ ബോധം കെട്ട് വീഴുകയും ഭാര്യയുടെ കൈക്ക് നിസാര പൊളളലേല്‍ക്കുകയും ചെയ്തു.
വീട്ടിന്റെ കോണ്‍ക്രീറ്റിനും വിള്ളലുണ്ടായി.
കരിക്കന്‍കുളം മുത്തപ്പന്‍കാവിന് സമീപം ബേക്കറി കട നടത്തുന്നയാളാണ് അശോകന്‍.