മംഗളൂരു: ഐ.എസ്.ആര്‍.ഒയുടെ രണ്ടാം ചന്ദ്രയാന്‍ ദൗത്യത്തിന് മുന്‍പ് ഉടുപ്പി ശ്രീകൃഷ്ണ മഠത്തില്‍ പ്രത്യേക പൂജ നടത്തി ചെയര്‍മാന്‍ കെ. ശിവന്‍. കുടുംബവുമൊത്ത് ഇന്ന് രാവിലെയാണ് അദ്ദേഹം മഠത്തിലെത്തി പ്രത്യേക പൂജകള്‍ നടത്തിയത്. ഇക്കാര്യം വെളിപ്പെടുത്തി മഠം അധികൃതര്‍ തന്നെ പ്രസ്ഥാവനയിറക്കിയിട്ടുണ്ട്.

സന്യാസിയും മഠാധിപതിയുമായ വിദ്യാദീശ തീര്‍ത്തയെ സന്ദര്‍ശിച്ച് അനുഗ്രഹം വാങ്ങുന്ന ചിത്രവും പുറത്തുവന്നിട്ടുണ്ട്. തിരുവനന്തപുരം വിക്രം സാരാഭായി ബഹിരാകാശ കേന്ദ്രം ഡയരക്ടറായിരുന്ന ഇദ്ദേഹം എ.എസ് കിരണ്‍കുമാറിന്റെ പിന്‍ഗാമിയായാണ് ഐ.എസ്.ആര്‍.ഒ ചെയര്‍മാനായി ചുമതലയേല്‍ക്കുന്നത്. തമിഴ്‌നാട് നാഗര്‍കോവില്‍ സ്വദേശിയാണ്.

ഇന്ത്യയുടെ രണ്ടാം ചന്ദ്രദൗത്യമായ ചന്ദ്രയാന്‍-2 ജൂലൈ 15നാണ് വിക്ഷേപണം നടത്തുക.