ചേലേമ്പ്ര: മദ്‌റസകള്‍ നന്മകളുടെ പൂങ്കാവനമാണെന്നും അതിന്റെ പ്രവര്‍ത്തനങ്ങളെ ഇല്ലാതാക്കുന്ന പ്രവര്‍ത്തനങ്ങളെക്കുറിച്ച് സമൂഹം ശ്രദ്ധയോടെ കരുതിരിയിരിക്കണമെന്നും സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ പറഞ്ഞു.
പുതുതായി നിര്‍മിച്ച ഇടിമുഴിക്കല്‍ മന്‍ശഉല്‍ ഉലൂം മദ്‌റസ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ടി.കെ അബൂബക്കര്‍ മുസ്‌ലിയാര്‍ അദ്ധ്യക്ഷനായി. പൊതുസമ്മേളനം പാണക്കാട് സയ്യിദ് ഹാരിസലി ശിഹാബ് തങ്ങള്‍ ഉദ്ഘാനം ചെയ്തു. റഷീദ് ഫൈസി വെള്ളായിക്കോട്,ഷാജഹാന്‍ റഹ്മാനി കംബ്ലക്കാട്, അസീസ് ദാരിമി ചെറൂപ്പ, പി.എ ജബ്ബാര്‍ ഹാജി, അനസ് ഫൈസി, എം.എ ഖാദര്‍ പ്രസംഗിച്ചു. സ്ത്രീകള്‍ക്കുള്ള വേദിയില്‍ അസ്മാബി കുന്നുംപുറം സംസാരിച്ചു.