ജിദ്ദ: കഴിഞ്ഞ ആഴ്ചയിൽ സഊദി അറേബ്യയുടെ വിവിധ മേഖലകളിൽ നിന്ന് 19,696 അനധികൃത താമസക്കാരെ അറസ്‌റ്റ് ചെയ്തതായി ആഭ്യന്തര മന്ത്രാലയം. നവംബർ 14 മുതൽ നവംബർ 20 വരെയുള്ള ദിവസങ്ങളിൽ ബന്ധപ്പെട്ട സർക്കാർ ഏജൻസികളുമായി സഹകരിച്ച് സുരക്ഷാ സേന നടത്തിയ സംയുക്‌ത പരിശോധനയിലാണ് അറസ്‌റ്റ്.

അറസ്‌റ്റിലായവരിൽ താമസ നിയമം ലംഘിച്ച 11,336 പേരും, അതിർത്തി സുരക്ഷാ നിയമം ലംഘിച്ച  5,176 പേരും, തൊഴിൽ നിയമം ലംഘിച്ച 3,184 പേരും ഉൾപ്പെടുന്നു. രാജ്യത്തേക്ക് അതിർത്തി കടക്കാൻ ശ്രമിക്കുന്നതിനിടെ അറസ്‌റ്റിലായവരുടെ ആകെ എണ്ണം 1,547 ആയി. അറസ്റ്റിലായവരിൽ 32 ശതമാനം യെമൻ പൗരന്മാരും 65 ശതമാനം എത്യോപ്യൻ പൗരന്മാരും മൂന്ന് ശതമാനം മറ്റ് രാജ്യക്കാരുമാണ്.

നിയമലംഘകരെ കടത്തിക്കൊണ്ടു വരികയും അഭയവും ജോലിയും നൽകുകയും ചെയ്‌ത 22 പേരെയും അറസ്‌റ്റ് ചെയ്തിട്ടുണ്ട്. 19,651 പുരുഷന്മാരും 3,007 സ്ത്രീകളും ഉൾപ്പെടെ ആകെ 22,658 പ്രവാസികൾ ശിക്ഷാ നടപടികളുടെ ഭാഗമായി നിലവിൽ വിവിധ ഘട്ടങ്ങളിലായി നിയമനടപടികൾക്ക് വിധേയരാകുകയാണ്.

Saudi Arabia's Interior Ministry has announced the arrest of 19,696 individuals who violated the country's residency, labor, and border security laws within a span of one week.