അവധിക്കു നാട്ടിലെത്തുന്ന പ്രവാസിസുഹൃത്തുക്കള്‍ അഭിമാനപൂര്‍വം പറയാറുള്ള ഒരുകാര്യം ഗള്‍ഫില്‍ കറന്റ് പോകാറില്ലെന്നതാണ്. നമ്മുടെ നാടിന്റെ അവസ്ഥയെന്താണ്. ചാറ്റല്‍മഴ പെയ്താല്‍ വൈദ്യുതി നിലയ്ക്കും. മഴക്കാലമാണെങ്കില്‍ ദിവസങ്ങളോളം വൈദ്യുതി പണിമുടക്കിലായിരിക്കും. റോഡപകടങ്ങളില്‍ അധികപേരും മരിക്കുന്നത് വൈദ്യുതിപോസ്റ്റ് മൂലമാണ്. വൈദ്യുതിലൈനില്‍നിന്നു ഷോക്കേറ്റ് മരണമടയുന്നവരും ധാരാളം. ഇതിനൊക്കെ പരിഹാരമായി നമുക്കും മറ്റുരാജ്യങ്ങളിലെപ്പോലെ ഭൂഗര്‍ഭവൈദ്യുതിലൈന്‍ സംവിധാനം നടപ്പാക്കിക്കൂടേ. ചെയ്യുന്ന പ്രവര്‍ത്തനങ്ങളിലൊക്കെയും വിമര്‍ശംഏറ്റുവാങ്ങുന്ന ഭരണകര്‍ത്താക്കള്‍ ഈയൊരു പദ്ധതിയെങ്കിലും നടപ്പാക്കി ജനപിന്തുണ നേടട്ടെ.