കൂറ്റനാട്: തൃത്താല മണ്ഡലത്തിലെ വിവിധ വിദ്യാലയങ്ങളില്‍ ഭക്ഷ്യ സുരക്ഷ ഉറപ്പുവരുത്താന്‍ കുട്ടികള്‍ നടീലിനും വിളവെടുപ്പിനും വയലിലേക്കിറങ്ങുന്നത് പതിവായി. പാഠ്യപദ്ധതിയോടൊപ്പം പാഠ്യേതര പരിപാടിയും കുട്ടികള്‍ക്ക് ആവേശമാവുകയാണ്.
മേഴത്തൂര്‍ ഗവ.ഹയര്‍ സെക്കന്ററി സ്‌കൂളിലെ എന്‍.എസ്.എസ്. യൂണിറ്റിന്റെ നേതൃത്വത്തില്‍ കോടനാട് പാടശേഖരത്തിലെ എട്ട് ഏക്കര്‍ സ്ഥലത്ത് കൃഷിയിറക്കി. കൃഷിയിലൂടെ ലഭിക്കുന്ന ലാഭം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കാനാണ് അധ്യാപകരുടെയും വിദ്യാര്‍ഥികളുടെയും തീരുമാനം. കഴിഞ്ഞ മൂന്ന് വര്‍ഷമായി മേഴത്തൂരിലെ കുട്ടികള്‍ കാര്‍ഷിക രംഗത്തുണ്ട്. പെരുമുടിയൂര്‍ ഗവ. ഓറിയന്റല്‍ ഹയര്‍ സെക്കന്ററി സ്‌കൂളിലെ വിദ്യാര്‍ഥികളും നടീല്‍ ഉത്സവം നടത്തി.
പാഠപുസ്തകത്തില്‍ നിന്ന് കിട്ടാത്ത അക്ഷയഖനിയാണ് പാടശേഖരത്തു നിന്ന് ഇവര്‍ക്ക് ലഭിക്കുന്നത്.