തിരുവനന്തപുരം: യൂനിവേഴ്‌സിറ്റി കോളജില്‍ നിന്ന് പൊലിസുകാരെ ഇറക്കിവിടാന്‍ എസ്.എഫ്.ഐ ശ്രമം. സുരക്ഷാ ചുമതലയ്ക്കായി നിയോഗിക്കപെട്ട പൊലിസുകാര്‍ കാംപസില്‍ നിന്ന് ഇറങ്ങിപ്പോകണമെന്നാവശ്യപെട്ട് എസ്.എഫ്.ഐ പ്രവര്‍ത്തകര്‍ ബഹളം വച്ചു.

പൊലിസുകാര്‍ക്കെതിരേ വ്യാജ പരാതി നല്‍കാനും എസ്.എഫ്.ഐ നേതാക്കള്‍ ശ്രമിച്ചു. കാംപസിലെ സുരക്ഷാ ജോലിക്ക് നിയോഗിക്കപെട്ട പൊലിസുകാര്‍ പുറത്ത് പോകണമെന്ന് എസ്.എഫ്.ഐ പ്രവര്‍ത്തകര്‍ ആവശ്യപെട്ടപ്പോള്‍ ഡ്യൂട്ടി ഒഴിവാക്കാനാകില്ലെന്ന് പൊലിസ് പറഞ്ഞതോടെയാണ് വാക്കേറ്റം ഉണ്ടായത്.