ബെര്‍ലിന്‍: ഇന്ത്യയെ വിശ്വസനീയമായ പങ്കാളിയായാണ് രാജ്യം കാണുന്നതെന്ന് ജര്‍മ്മന്‍ ചാന്‍സിലര്‍ ആംഗെല മെര്‍ക്കല്‍. നമ്മുടെ സഹകരണം 60 വര്‍ഷം മുമ്പ് ഭരണഘടന ഉണ്ടാക്കുന്ന കാലം മുതലുള്ളതാണ്. വിശ്വസിക്കാനാവുന്ന പങ്കാളിയാണ് ഇന്ത്യയെന്ന് ഇതിനകം തെളിയിച്ചിട്ടുണ്ടെന്നും മെര്‍ക്കല്‍ പറഞ്ഞു.

ജര്‍മ്മനി സന്ദര്‍ശിച്ച പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയ്ക്കു ശേഷം സംയുക്ത വാര്‍ത്താസമ്മേളനത്തില്‍ സംസാരിക്കുകയായിരുന്നു അവര്‍.

ഇന്ത്യയും ജര്‍മ്മനിയും തമ്മില്‍ എട്ടു കരാറുകളില്‍ ഒപ്പുവച്ചു. മേയ്ക്ക് ഇന്‍ ഇന്ത്യ പദ്ധതിയില്‍ മുഖ്യപങ്കാളിയാവുന്നതടക്കമുള്ള കരാറുകളിലാണ് ഒപ്പുവച്ചത്.

ബ്രെക്‌സിറ്റിന്റെയും ട്രംപിന്റെയും കാലത്ത് തങ്ങളുടെ പരമ്പരാഗത സഖ്യരാജ്യങ്ങളായ അമേരിക്കയെയും ബ്രിട്ടനെയും മാത്രം ആശ്രയിച്ച് മുമ്പോട്ടു പോകാനാവില്ലെന്ന് മെര്‍ക്കല്‍ പറഞ്ഞു. ഇരുരാജ്യങ്ങള്‍ക്കും പെട്ടെന്നു നേട്ടമുണ്ടാകുന്ന കരാറുകളാണ് ഒപ്പുവച്ചതെന്ന് മോദി പറഞ്ഞു.