ന്യൂഡല്‍ഹി: ഒരു രൂപാ നോട്ടുകള്‍ തിരിച്ചുവരുന്നു. റിസര്‍വ്വ് ബാങ്ക് ഓഫ് ഇന്ത്യ ഇറക്കിയ വാര്‍ത്താക്കുറിപ്പിലാണ് ഇക്കാര്യം അറിയിച്ചത്. പ്രിന്റ് ചെയ്തു കഴിഞ്ഞ കറന്‍സികള്‍ ലീഗല്‍ ടെന്‍ഡറിനായി കാത്തിരിക്കുകയാണ്. വൈകാതെ വിപണിയിലെത്തുമെന്നു പ്രതീക്ഷിക്കാം.

പിങ്ക്, പച്ച നിറങ്ങളോടു കൂടിയ നോട്ടില്‍ ധനമന്ത്രാലയം സെക്രട്ടറി ശക്തികാന്ത ദാസായിരിക്കും ഒപ്പുവയ്ക്കുക. പുതിയ ഒരു രൂപാ നാണയത്തിന്റെ ചിത്രവും നോട്ടിലുണ്ടാവും. രൂപയുടെ ചിഹ്നവും ഉള്‍ക്കൊള്ളിച്ചിട്ടുണ്ട്. 20 വര്‍ഷം മുന്‍പ് പ്രിന്റിങ് നിര്‍ത്തിയ നോട്ടാണ് ഒരു രൂപയുടേത്.