മലപ്പുറം:  ലോക പരിസ്ഥിതി ദിനമായ ജൂണ്‍ 5 ന് പരിസ്ഥിതി ദിനാചരണം നടത്താന്‍ മലപ്പുറത്ത് ചേര്‍ന്ന വനിതാ ലീഗ് സംസ്ഥാന ഭാരവാഹികളുടെ യോഗം തീരുമാനിച്ചു. രാവിലെ 10ന് കോഴിക്കോട് ചേംബര്‍ ഹാളില്‍ ദിനാചരണം മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി ഉദ്ഘാടനം ചെയ്യും. സംസ്ഥാന ജനറല്‍ സെക്രട്ടറി കെ.പി.എ മജീദ്, ട്രഷറര്‍ പി.കെ.കെ ബാവ, വൈസ് പ്രസിഡന്റ് സി.മോയിന്‍കുട്ടി, വനിതാ ലീഗ് നേതാക്കളും സംബന്ധിക്കും. വനിതാ ലീഗ് സംസ്ഥാന പ്രസിഡന്റ് അഡ്വ.കെ.പി മറിയുമ്മയുടെ അധ്യക്ഷതയില്‍ ചേര്‍ന്ന  യോഗത്തില്‍ അഡ്വ.നൂര്‍ബിന റഷീദ്, അഡ്വ.പി കുല്‍സു, കദീജ കുറ്റൂര്‍,  സല്‍മ ടീച്ചര്‍ സംസാരിച്ചു.