തിരുവനന്തപുരം: ഉദ്യോഗസ്ഥര്‍ക്കിടയിലെ ചേരിപ്പോരിനെ തുടര്‍ന്ന് കൃഷി വകുപ്പ് സെക്രട്ടറി സ്ഥാനത്തുനിന്ന് നീക്കിയ രാജുനാരായണ സ്വാമിയെ ഉദ്യോഗസ്ഥ ഭരണപരിഷ്‌കാര (ഔദ്യോഗിക ഭാഷ) വകുപ്പ് പ്രിന്‍സിപ്പല്‍ സെക്രട്ടറിയായി നിയമിച്ചു. ഇന്നലെ ചേര്‍ന്ന മന്ത്രിസഭാ യോഗത്തിലാണ് തീരുമാനം.
ചേരിപ്പോരിന്റെ പേരില്‍ രാജു നാരായണസ്വാമിക്കു പുറമെ കൃഷി ഡയരക്ടറായിരുന്ന ബിജു പ്രഭാകറിനെയും തല്‍സ്ഥാനത്തുനിന്ന് നീക്കിയിരുന്നു. ബിജു പ്രഭാകര്‍ 12വരെ അവധിയിലാണ്. സ്വാമിയെ അപ്രധാന തസ്തികയിലാണ് ഇപ്പോള്‍ നിയമിച്ചിരിക്കുന്നത്.