കോഴിക്കോട്: ശബരിമല ആചാരനുഷ്ഠാന സംരക്ഷണ ഓര്‍ഡിനന്‍സ് കേന്ദ്ര സര്‍ക്കാര്‍ അടിയന്തിരമായി കൊണ്ടു വരിക, ശബരിമലയെ ദേശീയ തീര്‍ഥാടന കേന്ദ്രമാക്കി മാറ്റുക തുടങ്ങിയ ആവശ്യങ്ങള്‍ ഉന്നയിച്ച് ഫെഡറേഷന്‍ ഓഫ് ഹിന്ദു ഓര്‍ഗനൈസേഷന്റെ ആഭിമുഖ്യത്തില്‍ നവംബര്‍ രണ്ടിന് പാര്‍ലമെന്റ് മാര്‍ച്ചും ധര്‍ണയും നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ഫെഡറേഷന്‍ ഓഫ് ഹിന്ദു ഓര്‍ഗനൈസേഷന്‍ ചെയര്‍മാന്‍ എ. എം ഭക്തവത്സലന്‍, ജനറല്‍ കണ്‍വീനര്‍ രാമദാസ് വേങ്ങേരി, മുന്നോക്ക സമുദായ ചെയര്‍മാന്‍ സി. എസ് നായര്‍, എസ്.എന്‍. ഡി. പി ചെയര്‍പേഴ്‌സണ്‍ ഷൈജ കൊടുവള്ളി, ഹിന്ദു മഹാസഭാ ജനറല്‍ സെക്രട്ടറി രാജേഷ് മേനോന്‍, മാതൃശക്തി ചെയര്‍പേഴ്‌സണ്‍ രാധാ വാസുദേവന്‍ എന്നിവര്‍ പങ്കെടുത്തു.