ചെമ്മങ്കടവ്: പി.എം.എസ്.എ.എം.എ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റ് 'വീട്ടിലൊരു ഗ്രന്ഥാലയം' പദ്ധതി തുടങ്ങി. പൊതുജനങ്ങളില്‍നിന്നും മറ്റും പുസ്തകങ്ങള്‍ ശേഖരിച്ച് വീടുകളില്‍ വിദ്യാര്‍ഥികള്‍ക്കും മുതിര്‍ന്നവര്‍ക്കും വയനക്കായി ഗ്രന്ഥാലയം സ്ഥാപിക്കുന്നതാണ് പദ്ധതി ലക്ഷ്യം.എന്‍.എസ്.എസ് യൂനിറ്റ് ദത്തെടുത്ത ഒറ്റത്തറയില്‍ അന്‍പത് വീടുകളില്‍ ആദ്യഘട്ടത്തില്‍ ലൈബ്രറി സ്ഥാപിച്ച് പദ്ധതിക്ക് തുടക്കം കുറിച്ചു. 'വീട്ടിലൊരു ഗ്രന്ഥാലയം' പദ്ധതിയുടെ ഉദ്ഘാടനം ബ്ലോക്ക് പഞ്ചായത്തംഗം എം.കെ മുഹ്‌സിന്‍ നിര്‍വഹിച്ചു. പഞ്ചായത്തംഗം മുഹമ്മദ് മച്ചിങ്ങല്‍ അധ്യക്ഷനായി. എന്‍.എസ്.എസ് പ്രോഗ്രാം ഓഫിസര്‍ എന്‍.കെ ഹഫ്‌സല്‍റഹ്മാന്‍, യൂനിറ്റ് ലീഡര്‍മാരായ കെ. മുഹമ്മദ് സിനാന്‍, സി.എച്ച് റിസ്‌വ, എ. അംജദ് ഹുസൈന്‍, കെ. അഫ്‌നിദ എന്നിവര്‍ നേതൃത്വം നല്‍കി.