ദേശമംഗലം: ജീവകാരുണ്യ സേവന മഹിമയില്‍ ദേശമംഗലം തലശ്ശേരി എം.എസ്.എ ബനാത്ത് യത്തീംഖാനക്ക് കാല്‍ നൂറ്റാണ്ടിന്റെ നിറവ്.
സ്ഥാപനത്തിലെ നാല് പെണ്‍കുട്ടികള്‍ കൂടി ഇന്ന് ദാമ്പത്യ ജീവിതത്തിലേയ്ക്ക് പ്രവേശിക്കും. ഇതിനകം 128 കുട്ടികള്‍ക്ക് ഉന്നത വിദ്യാഭ്യാസം നല്‍കിയ ഈ മഹനീയ പ്രസ്ഥാനം ഇവരെയെല്ലാം ദാമ്പത്യ ജീവിതത്തിലേക്കും കൈ പിടിച്ച് നടത്തി. നാല് കുട്ടികള്‍ കൂടി വിവാഹിതരാകുമ്പോള്‍ ജീവിതവഴിയില്‍ പുതു പ്രതീക്ഷയിലേക്ക് ചുവട് വെച്ചവരുടെ എണ്ണം 132 ആകും. ഇന്ന് നടക്കുന്ന വിവാഹത്തില്‍ പട്ടാമ്പി ആമയൂര്‍ സ്വദേശിനി ഫാരിഫ ഷെറിന് കൊപ്പം സ്വദേശി ഫൈസല്‍ ജീവിത കൂട്ടാകും. ആലത്തൂര്‍ സ്വദേശിനി കാമിലക്ക് വല്ലപ്പുഴ സ്വദേശി കുഞ്ഞുമുഹമ്മദ് ദാരിമി ഇണയായെത്തും. മുബശിറ കൊളത്തൂരിന് ഓണപ്പുട സ്വദേശി സൈതലവിയും, തെക്കേ പൊറ്റയിലെ അഫ്‌സാനയ്ക്ക് ദേശമംഗലം സ്വദേശി ജാഫറും ജീവിത കൂട്ടാകും. പി.ടി.പി തങ്ങള്‍, സി.കെ.എം സാദിഖ് മുസ്്‌ലിയാര്‍, കെ.എം മുഹമ്മദ് സാഹിബ്, പി. മമ്മിക്കുട്ടി മാസ്റ്റര്‍, ടി.എ ഏന്തീന്‍ കുട്ടി ഹാജി, ടി.എം ഹംസ മാസ്റ്റര്‍, എം.പി അബ്ദുല്ല കോയ തങ്ങള്‍ ചടങ്ങുകളില്‍ പങ്കെടുക്കും.