ഡസ്സല്‍ഡോര്‍ഫ് (ജര്‍മനി): ത്രിരാഷ്ട്ര ഹോക്കി പരമ്പരയിലെ ആദ്യ പോരാട്ടത്തില്‍ ഇന്ത്യക്ക് തോല്‍വി.  കരുത്തരായ ബെല്‍ജിയത്തിനെതിരേ ഒന്നിനെതിരേ രണ്ട് ഗോളിനാണ് ഇന്ത്യ തോല്‍വി വഴങ്ങിയത്. ഒരു ഗോള്‍ ലീഡെടുത്ത ശേഷമാണ് ഇന്ത്യ രണ്ട് ഗോള്‍ വഴങ്ങി തോല്‍വി സമ്മതിച്ചത്.
മൂന്നാം ക്വാര്‍ട്ടറില്‍ ഹര്‍മന്‍പ്രീത് സിങ് പെനാല്‍റ്റി കോര്‍ണറിലൂടെ ഇന്ത്യക്ക് ലീഡ് സമ്മാനിച്ചു. ഫൈനല്‍ ക്വാര്‍ട്ടറില്‍ മൂന്ന് മിനുട്ടിനിടെ രണ്ട് ഗോളുകള്‍ വഴങ്ങിയത് ഇന്ത്യക്ക് തിരിച്ചടിയായി.  52ാം മിനുട്ടില്‍ സെഡ്രിക്ക് ചാര്‍ലിയറും 55ാം മിനുട്ടില്‍ ടോം ബൂണും ബെല്‍ജിയത്തിനായി വല ചലിപ്പിച്ചു. നേരത്തെ ആദ്യ പോരാട്ടത്തില്‍ ആതിഥേയരായ ജര്‍മനിയെ ബെല്‍ജിയം 5-2 എന്ന സ്‌കോറിന് കീഴടക്കിയിരുന്നു.