നിലമ്പൂര്‍: കവളപ്പാറയില്‍ രണ്ട് മൃതദേഹങ്ങള്‍ കൂടി കണ്ടെത്തി. ഇതോടെ കവളപ്പാറയില്‍ മരിച്ചവരുടെ എണ്ണം11 ആയി. പ്രദേശത്ത് കാണാതായ മുഴുവന്‍ പേരെയും കണ്ടെത്തുന്നതുവരെ തെരച്ചില്‍ തുടരുമെമെന്ന് ജില്ലാ കലക്ടര്‍ ജാഫര്‍ മാലിക് അറിയിച്ചു.

ഞായറാഴ്ച രാവിലെ ഒമ്പതുമണിയോടെയാണ് രക്ഷാപ്രവര്‍ത്തനം പുനഃരാരംഭിച്ചത്. മരങ്ങള്‍ മുറിച്ചുമാറ്റിയും മണ്ണുനീക്കിയുമാണ് തെരച്ചില്‍ തുടരുന്നത്. ചെന്നൈയില്‍ നിന്നും 30സേനാംഗങ്ങള്‍ തെരച്ചിലിനായി എത്തിയിട്ടുണ്ട്.
എന്‍.ഡി.ആര്‍.എഫിന്റെ അത്യാധുനിക സംവിധാനങ്ങളോട് കൂടിയാണ് തെരച്ചില്‍ പുരോഗമിക്കുന്നത്.

അതേമസമയം, വാണിയമ്പുഴയില്‍ കുടുങ്ങിയ 200-ഓളം പേരെ പുറത്തെത്തിക്കാന്‍ ഞായറാഴ്ച രാവിലെ മുതല്‍ സൈന്യത്തിന്റെ നേതൃത്വത്തില്‍ സമഗ്രരക്ഷാപ്രവര്‍ത്തനം ആരംഭിച്ചിട്ടുണ്ട്.