തെയ്യോട്ടുച്ചിറ: പ്രമുഖ പണ്ഡിതനും വാഗ്മിയും തെയ്യോട്ട് ചിറ ഖാസിയുമായിരുന്ന മൊയ്തുട്ടി മുസ്‌ലിയാര്‍ മാതൃക യോഗ്യനായ പണ്ഡിതനാണന്നും അദ്ദേഹത്തിന്റെ മരണം അതിന് തെളിവാണന്നും സുന്നി യുവജന സംഘം സംസ്ഥാന വര്‍ക്കിങ് സെക്രട്ടറി ഹമീദ് ഫൈസി അമ്പലക്കടവ് പറഞ്ഞു.
മൊയ്തുട്ടി മുസ്‌ലിയാരുടെ പേരില്‍ തെയ്യോട്ട് ചിറ കമ്മു സുഫി നഗറില്‍ എസ്.കെ.എസ്.എസ്.എഫ് സംഘടിപ്പിച്ച അനുസ്മരണ സമ്മേളനത്തില്‍ മുഖ്യ പ്രഭാഷണം നടത്തി സംസാരിക്കുകയായിരുന്നു അദ്ദേഹം. സയ്യിദ് ഇമ്പിച്ചി കോയ തങ്ങള്‍ കൊടക്കാട് ഉദ്ഘാടനം നിര്‍വഹിച്ചു.
കെ.എം.ഐ.സി പ്രിന്‍സിപ്പല്‍ സി.എച്ച് അബദുറഹിമാന്‍ മുസ്‌ലിയാര്‍ ദുആ സമ്മേളനത്തിന് നേതൃത്വം നല്‍കി. മുസ്തഫ അശ്‌റഫി കക്കുപ്പടി അധ്യക്ഷനായി.
ഹബീബ് ഫൈസി കോട്ടോപ്പാടം, സ്വാലിഹ് ഹുദവി , തെയ്യോട്ട്ച്ചിറ മഹല്ല് പ്രസിഡന്റ് മൊയ്തീന്‍ മുസ്‌ലിയാര്‍, കെ.എം.ഐ.സി മാനേജര്‍ ഒ.കെ.എം മൗലവി, കബീര്‍ അന്‍വ്വരി നാട്ടുകല്‍, അന്‍വര്‍ കമാലി സംബന്ധിച്ചു.
സലീം കമാലി സ്വാഗതവും ഉബൈദ് കമാലി നന്ദിയും പറഞ്ഞു.