വടക്കാഞ്ചേരി: ഏപ്രില്‍ മാസങ്ങളില്‍ പൂത്തുലയുന്ന കര്‍ണ്ണി കാരങ്ങള്‍ (കണികൊന്ന) ഇപ്പോള്‍ തന്നെ പൂത്തുലഞ്ഞ് നില്‍ക്കുന്നത് നയന മനോഹരമായ കാഴ്ച്ചയാണെങ്കിലും അത് അത്ര സുഖകരമായ വാര്‍ത്തയല്ലെന്ന് ശാസ്ത്രലോകം പറയുന്നു.
പ്രളയാനന്തരം അന്തരീക്ഷ ചൂട് വല്ലാതെ വര്‍ധിയ്ക്കുന്നതാണ് 6 മാസങ്ങള്‍ക്ക് മുമ്പ് തന്നെ കണികൊന്നകള്‍ പൂത്തുലയാന്‍ കാരണമെന്നാണ് വിദഗ്ദര്‍ പറയുന്നത്. നല്ല ചൂടുള്ള അന്തരീക്ഷത്തിലാണ് സാധാരണ കണികൊന്ന പൂക്കുന്നത്. അതേ സ്ഥിതി വിശേഷമാണ് ഇപ്പോഴുള്ളത്. മാവുകള്‍ പൂക്കുന്നതും ഇതുകൊണ്ടെന്നും വിദഗ്ദര്‍ പറയുന്നു. ജലസ്രോതസുകള്‍ വറ്റിവരളുന്ന പ്രതിഭാസവും ശക്തമാണ്. കടുത്ത വേനലില്‍ പോലും വറ്റിവരളാത്ത കുഴല്‍ കിണറുകള്‍ പോലും ഇപ്പോള്‍ ജലമില്ലാ ഇടങ്ങളായി മാറിയിരിക്കുകയാണ്.