ഉദുമ: ഇസ്‌ലാമിയ എ.എല്‍.പി സ്‌കൂളിലെ ജൈവ പാര്‍ക്കിലെ വേപ്പു മരത്തെ ഉമ്മ മരമായി പ്രഖ്യാപിച്ചു. ഉദുമ ഇസ്‌ലാമിയ സ്‌കൂളില്‍ പൂര്‍വ വിദ്യാര്‍ഥിനിയായിരുന്ന എണ്‍പതു വയസ് തികഞ്ഞ നാലാംവാതുക്കലിലെ ആയിഷാബി ഉമ്മയാണ് സ്‌കൂളിലെത്തി ജൈവ പാര്‍ക്കിലെ അറുപതോളം മരങ്ങളിലൊന്നായ വേപ്പിനെ ഉമ്മ മരമായി പ്രഖ്യാപിച്ചത്.
പരിസ്ഥിതി ദിനത്തില്‍ സ്‌കൂള്‍ വളപ്പില്‍ നടുന്ന നൂറ്റമ്പതോളം വേപ്പിന്‍ മരത്തൈകള്‍ അവര്‍ വിതരണം ചെയ്തു. എം. ശ്രീധരന്‍ പാര്‍ക്കിലെ മലേഷ്യന്‍ ചെടിയെ പക്ഷി മരമായും പ്രഖ്യാപിച്ചു.
സ്‌കൂള്‍ വികസന സമിതി ചെയര്‍മാന്‍ പ്രൊഫ. എം.എ റഹ്മാന്‍, പ്രധാനധ്യാപകന്‍ ബിജു ലൂക്കോസ്, പി.ടി.എ പ്രസിഡന്റ് ഹാഷിം പാക്യാര, കെ.എ ഷുക്കൂര്‍, കെ.എസ് മുഹമ്മദ് ഹബീബുല്ല, അബ്ദുല്ലക്കുഞ്ഞി,
അധ്യാപകരായ പി. സുജിത്ത്, സി.ടി ലീലാമ്മ, എ. ബിന്ദു, കെ.എ അസീസ് റഹ്മാന്‍, പി. പ്രിജിന, എം. ബവിത, എ. ഗീത, എ.പി മുക്കീമുദ്ദീന്‍, സി. ശ്രീജ, കെ. പ്രീതി സംബന്ധിച്ചു.